Për më shumë se 10 vjet, oficerët e inteligjencës nga të paktën katër vende kanë qenë në kërkim të drejtuesit të një organizate shqiptare të dedikuar për rishitjen e kokainës, heroinës dhe drogave të tjera në rajonin e Lionit të Francës.
Oficerët e inteligjencës së Europol dhe Interpol pohojnë se ky njeri vendosi në vitin 2021 të transferohej në Kolumbi për të krijuar aleanca me kartelet që veprojnë në vend. Ai u vendos në një lagje të njohur të Santa Martas dhe qëndroi atje për dy vjet pa u zbuluar, por një seri fotosh dërguar grave ishin çelësi për gjetjen e vendndodhjes së tij.
I huaji siguroi se jetonte në Bogota dhe mburrej me fotografi të udhëtimeve në Evropë.
Ky është shtetasi shqiptar Besnik Gjergji Nikolli, alias Niko ose “el Gordo”, (i dhjamosuri), i kërkuar me të kuqe për llogari të Francës nga Interpoli për krimet e trafikut të drogës dhe pastrimit të parave.
Niko, sipas hetimeve së inteligjencës, kishte lidhje me strukturat e trafikut të drogës në Shqipëri, Holandë dhe Gjermani, të cilët ishin partnerë të tij në Evropë dhe ishin përgjegjës për marrjen e drogës.
EL TIEMPO hetoi dhe vërtetoi se bosi shqiptar u kap pasi agjentët e inteligjencës franceze sulmuan anën e tij më të dobët: gratë.
“Hetuesit përdorën si karrem në internet një grua dhe ai e hëngri. Ajo ishte një agjente e fshehtë, e cila fitoi besimin e ‘Nikos’ dhe e shtoi atë në rrjetet sociale”, tha një burim gjyqësor për këtë gazetë.
Sipas autoriteteve, shqiptari rrallëherë dilte nga banesa e tij në një apartament modest të shtresës 3 në lagjen San Pablo të Santa Martës, ku organizonte festa me gra të punësuara.
“Ai u tha zonjave se jetonte në Bogota dhe se shkonte në bregdet vetëm për një shëtitje”, siguroi një burim ligjor.
Kapoja mbeti i fshehur në një lagje të njohur të Santa Martës. Pak kohë më vonë, ai filloi t’i dërgonte foto agjentes së infiltruar të zakoneve, udhëtimeve dhe pasurive të tij. “Një nga ato imazhe kishte vendndodhjen gjeografike në metadata. Që nga ai moment filloi detyra për të gjetur vendndodhjen e saktë për kapjen e tij”, tha hetuesi.
Për më tepër, fqinjët filluan t’u thonë autoriteteve se stili i jetës ekstravagante dhe i izoluar i të huajit u dukej shumë i dyshimtë.
EL TIEMPO ka aksesuar gjashtë prej fotografive dhe në to shqiptari ka pozuar para automjeteve luksoze, në ferma në Evropë dhe madje edhe në një lokal në Santa Marta.
Në fakt, fotografia e fundit ka qenë ajo që ka bërë të mundur lokalizimin e vendndodhjes së të huajit. “Ne e dinim vetëm se ai ishte në Kolumbi, sepse kishte hyrë përmes Bogotas, por ai nuk figuronte në të dhëna. Franca këmbënguli që ‘Niko’ ishte në vend”.
Kapja ndodhi fundjavën e kaluar në Santa Marta (Magdalena), pas një operacioni të udhëhequr nga gjeneral brigade José Luis Ramírez Hinestroza, drejtor i Dijín, në bashkëpunim me Zyrën Franceze Kundër Drogës dhe mbështetjen e Forcave Kolumbiane të Hapësirës Ajrore.
/a.r
