Një shpërndarëse picash në Pikering, Ohajo, në SHBA, ka marrë bakshish 1000 dollarë nga prifti i kishës prej nga u bë porosia. Shpërndarësja e çoi picën që kushtonte 5.99 dollarë në kohën kur besimtarët po luteshin. Reverendi Steve Markle e ngjiti në skenë dhe e pyeti se cili kishte qenë bakshishi më i madh që kishte marrë ndonjëjherë. Ajo u përgjigj “rreth 10 dollarë”.
Atëherë Markle i tha se tema e predikimeve në kishë kishte qenë për bujarinë dhe besimtarët kishin bërë ofertën e tyre për shpërndarësen, e cila shpërtheu në lotë. Gazeta “The Columbus Dispatch” shkruan se kongregacioni sapo kishte mbyllur serinë e predikimeve me temë “Isha trokë, tani s’jam më”. Kisha mbledh rreth 500-600 njerëz në javë.
