Pianistja Ardita Statovci ka përfunduar edhe një koncert tjetër në Indi. Statovci para disa javësh kishte zbuluar për KultPlus rreth dy koncerteve që do t’i mbante në Indi, një ëndërr e saj e kamotshme e cila u bë realitet.
Mbrëmë ajo ka performuar krahas Orkestrës Simfonike të Indisë, me dirigjentin Piotr Borkowski. “Eksperiencë e paharruar.
E falënderoj Orkestrën dhe NCPA Mumbai për një javë të jashtëzakonshme në Mumbain e dashur” ka shkruar pianistja nga Prishtina.
Statovci ka performuar si soliste me orkestra si Mahler Chamber Orchestra, Mozart Orchestra (Bologna), Deutsche Kammerakademie Neuss, Haydn
Orchester (Bolzano), Wiener Sinfonietta, Kammerorchester „Cis“, Filharmonia e Kosovës, Bad Reichenhaller Philharmonie, JSO Bern etj, pastaj me recitale pianistike si dhe muzikë kamertale në shtete të ndryshme si: Kosovë,Austri, SHBA, Zvicër, Itali, Maqedoni, Spanjë, Kroaci, Francë, Angli, Bosnjë,Hungari, Gjermani, Francë, Kinë, Slloveni, etj, citohet Koha. (b.an)
