Pas transmetimit të pamjeve filmike në emisionin investigativ ‘Fiks Fare’ ku dyshohet implikimi i punonjësit te Policisë së Shtetit Julian Balliu ne nje tentative per trafik e shitje narkotikesh, Shërbimi për Çështjet e Brendshme dhe Ankesat nisi procedimin penal ndaj tij, ndërsa është lëshuar edhe një urdhër ndalimi.
Gjithashtu, me urdher te Drejtorit te Pergjithshem te Policise se Shtetit, Drejtoria e Standardeve Profesionale ka nisur një procedim disiplinor për efektivin Balliu, me detyre oficer i Policise se Qarkullimit Rrugor, duke marrë masën e pezullimit nga detyra, deri në përfundim të hetimit të ngjarjes.
Strukturat e SHÇBA jane duke kryer të gjitha veprimet procedurale dhe hetimore për të zbardhur rrethanat dhe personat e mundshëm të implikuar në këtë ngjarje të rëndë për
punën dhe imazhin e Policisë së Shtetit.
Emisioni “Fiks Fare” denoncoi rastin e një 40-vjeçari nga Poliçani, i cili kishte probleme pronësie me oficerin e policisë, Julian Balliu, shef sektori për sigurinë rrugore në Shkodër dhe i komanduar në Tiranë. Denoncuesi thotë se i ka paguar 30 mijë euro familjes së oficerit për një truall dhe nxjerrjen e lejes për ndërtimin e një karburanti në fshatin
Mbrakull./a.m.
Pezullohet polici që bënte pazare droge, firmoset urdhër ndalimi
