Shefi i të ashtuquajturës Zyrë për Kosovë, Marko Gjuriç ka hyrë në Kosovë përkundër refuzimit të lejes nga Ministria e Jashtme, i kontrabanduar përmes një autoambulancë në veri të vendit, tregojnë burime me zhvillimet e fundit.
Në lidhje me rastin e fundit, janë pezulluar disa policë. Express merr vesh nga burime të sigurta se Gjuriç ka qëndruar vetëm dhjetëra minuta në territorin e Kosovës, që i kanë mjaftuar për përurimin e një pompe serbe të derivateve, e cila ka nisur aktivitetin ilegalisht në Kosovë.
Mësohet se Policia e Kosovës ka pezulluar disa pjesëtarë të saj, të cilët nuk kanë treguar vëmendje në lidhje me mundësinë e përdorimit të automjeteve dhe mjeteve alternative ilegale nga Marko Gjuriç. (b.an)
