Presidenti Donald Trump ka thënë se plani i tij për të ndaluar emigracionin në SHBA do të zgjasë 60 ditë dhe do të zbatohet vetëm për ata që kërkojnë qëndrim të përhershëm. Masa ka për qëllim të kufizojë konkurencën për vendet e punës në një ekonomi të goditur rëndë nga COVID-19.
Presidenti Donald Trump ka thënë se plani i tij për të ndaluar emigracionin në SHBA do të zgjasë 60 ditë dhe do të zbatohet vetëm për ata që kërkojnë qëndrim të përhershëm. Masa ka për qëllim të kufizojë konkurencën për vendet e punës në një ekonomi të goditur rëndë nga COVID-19.
Përmes një postimi në Twitter një ditë pas njoftimit të vendimit, Trump tha se “masa do të mbronte punët e amerikanëve gjatë krizës së koronavirusit”. Vendimi nuk do të ndikonte në vizat e përkohshme për punëtorët.
Kritikët thonë se përmes vendimit, Presidenti amerikan po përpiqet të largojë vëmendjen nga përgjigja e tij me vonesë ndaj virusit, gjë që ka shkaktuar deri tani afro 45,000 vdekje.
Demokratët akuzojnë gjithashtu administratën Trump se përdori pandeminë për të goditur emigracionin. Sipas tyre çështja ka qenë tradicionalisht një temë fushate për zotin Trump..
Në një konferencë për koronavirus në Shtëpinë e Bardhë, Trump tha se urdhri për ekzekutimin e vendimit ka të ngjarë të nënshkruhet gjatë ditës së sotme. Ndalimi mund të zgjatet “shumë më tepër” në varësi të mënyrës se si do të procedojë ekonomia, tha ai.
Menjëherë pas zotimit të tij për pezullimin e “të gjithë emigracionit në SHBA” të hënën në mbrëmje, Trump me sa duket ka ndryshuar planin e tij origjinal që thuhet se përfshinte emigrantë si punëtorë të fermave por edhe punonjës të teknologjisë së lartë me viza speciale pas reagimit të shpejtë nga disa drejtues të biznesit. /e.s/
