Kryeministri Edi Rama, në një prononcim në Facebook, kla folur sërish, për masat e sigurisë të gjykatës për zv/kryeministren Belinda Balluku.
Rama u shpreh se vendimin për Ballukun, e ka ankimuar ai vetë.
“E dini se kush e ka animuar në Gjykatën Kushtetese, pezullimin e ministres nga një prokuror dhe gjykatës? E kam animuar unë si kryeministër dhe jo si Edi Rama, e jo për ministër apo për kryeministër, por për parimi e mosndërhyrjes të një pushteti tjetër të pavarur në pushtetin e pavarur ekzekutiv. Shkurt, kjo është një betejë institucionale gjyqësore, për të mos lejuar, atë që nga Venecia konsiderohet shkelje e palejueshme e kufirit ndarës mes pushteteve. Jam palë dhe flas si palë. MNuk i bëj presion askujt”, u shpreh Rama.
Ky reagim vjen pak minuta pasi Sali Berisha e akuzoi kryeministrin Rama për presion ndaj Gjykatës Kushtetuese, duke e cilësuar këtë një akt të pashembullt në Shqipëri dhe Europë.
“Sado që e ka përdorur Luibinë në shkallë ekstreme, ai do e lëshonte atë në Lanë, por nuk e lëshon dot se janë mesazhet në dosje në të cilat është më delinkuent Rama se Lubia. Dhe nuk janë vetëm në dosje. Prandaj ky konstitucionalist i madh thotë se kryeministri rri në detyrë ose largohet nga detyra me dorëheqje. Ose me dënim të formës së prerë sipas ligjit.
Këto janë trillime dhe mashtrime. Komisioni i Venecias, meqenëse i referohet, nuk ka asnjë fjalë në asnjë rresht, në asnjë këshillë për ministrat. Por masën e pezullimit e parashikon së pari për të mbrojtur të dhënat e hetimit.”, tha Berisha ndër të tjera.
