Avokati Ili Gërdupi, gjatë një prononcimi për emisionin Të Paekspozuarit në MCN TV, ka deklaruar se pezullimi i Belinda Ballukut nga detyra nga SPAK, është një ngjarje e paprecedent, që ka ndodhur në raste të ngjashme vetëm në vendet afrikane.
“Në botë rezultoi se kishte patur raste në vendet e afrikës, por padyshim nuk rezultojnë raste në Evropë. Është rast i paprecedent”, tha avokati.
Lidhur me kërkesën e SPAK për heqjen e imunitetit të Ballukut dhe ashpërsimin e masës ndaj saj, avokati tha se mund të ndodhë vetëm nëse Balluku ka kryer shkelje që prej momentit kur SPAK ka kërkuar masën e parë ndaj saj.
“Ashpërsimi i masës mund të ndodhë vetëm kur nga dhënia e masës së parë, ka patur veprime që janë në cënim të asaj mase.
Pra, do të duhet që nga ana e zonjës Balluku të jenë marrë veprime që ose shkelin masën e dhënë fillimisht, ose të ketë marrë veprime që prishin prova, ose tenton të largohet nga vendi, ose tenton të bëjë vepër tjetër penale. Por kjo duhet të ketë ndodhur pas dhënies së masës së parë, ndryshe nuk kërkohet dot nga prokuroria masa e dytë.
Kjo nuk mund të vijë nga dhënia e vendimit të GJK. Prokuroria e posacme duhet të argumentojë se cfarë kushtesh kanë ndryshuar”, tha Dyrnjaja.
