Mbrëmjen e sotme ka ndodhur një aksident i rëndë në Pezë Helmes, ku një efektiv policie ka mbetur i plagosur. Efektivi i policisë ka qenë duke udhëtuar me një motor tip “Piaggio” kur është përplasur me një automjet tip “Fiat”.
Mësohet se i aksidentuari është efektivi me iniciale E.K., i cili ka qëndruar i shtrirë në gjendje të rëndë në tokë për më shumë se 45 minuta, derisa ka mbërritur ambulanca.
“Automjeti me targa AA848 me drejtues shtetasin Fatos. S., 45 vjeç ka aksidentuar shtetasin me iniciale E.K. ,42 vjeç punonjës Policie. Ky shtetas ishte duke udhëtuar me mjetin tip motorçikletë. I dëmtuari u dërgua në S.Q.U në gjendje jo te mirë shëndetësore. Drejtuesi i mjetit është shoqëruar për veprime te mëtejshme”, njofton Policia Rrugore, raporton panorama.
