Deputeti i Partisë Socialiste, Alfred Peza, në një deklaratë për shtyp, tha se Lulzim Basha gënjeu për 19 kriminelët në grupin parlamentar socialist në Kuvend.
“Basha gënjeu për 19 kriminelët në Partinë Socialiste”, tha Peza.
“Ata nuk janë fshehur asgjëkundi, sepse thjesht nuk ekzistojnë kriminelë në grupin parlamentar të Partisë Socialiste. Tani Lulzim, meqë gënjeshtra jote spektakolare për Partinë Socialiste u vërtetua edhe zyrtarisht, merru pak me Flamur Nokën, të cilin e ke fshehur nga dekriminalizimi”.
Peza shtoi se “ne do t’i shkojmë deri në fund pastrimit të zyrave të shtetit nga persona me të kaluar kriminale”.
D.I.
