Pak orë pasi Kuvendi miratoi në parim buxhetin e vitit 2016, Lëvizja Socialiste për Integrim ka reaguar mbi procesin që do të ndjekë drafti.
Nënkryetari i kësaj partie, Petrit Vasili, tha se drafti ka nevojë që disa pika t’i rishikojë dhe përmirësojë.
“Jemi në këtë komunikim sëbashku që në një moment të dytë delikat përsa i takon këtij rrugëtimi të pr/buxhetit për shqyrtimin nen për nen, në këtë diskutim të gjerë e delikat ku buxheti merr pamjen e realizimit praktik dhe të gjërave të prekshme. Ky proces duhet të shoqërohet me qetësi e mëndjehapje. Është e qartë që diskutimi dhe debatimi ka në thelbin e tij reflektim për ndryshime, sepse duhet të ketë reflektime përsa i përket granteve në pushtetin vendor, një reflektim për akcizën e birrës pasi diskriminimi i prodhimit vendas është një problematikë e gabuar dhe ka zgjidhje. Shqetësim tjetër është konsiderimi për sigurimet që janë të detyruar të paguajnë dhe këtu zgjidhja ekziston, dhe cështja që ka të bëjë me proporcionet për financimet në infrastrukturën rrugore, sidomos buxhetimi” – tha Vasili.
Edhe deputetë të tjerë të LSI, kohë më parë, janë shprehur se rritja e akcizët për birrën vendase do të shkaktojë faliment.
Në paketën fiskale për vitin 2016 qeveria propozon rritjen e akcizën për birrën vendase dhe uljen e akcizës për birrën e importit.
