Dje në Tiranë, Prishtinë e Shkup ka filluar nënshkrimi i peticionit drejtuar institucioneve të shtetit shqiptar, për ndëshkimin e vrasësve të veprimtarit Remzi Hoxha dhe gjetjen e eshtrave të tij.
Në Tiranë ai do të nënshkruhet pranë Operas dhe Baletit në Sheshin Skënderbej dhe pranë Librit Universitar, në rrugën Abdyl Frashëri. Në Prishtinë do të nënshkruhet në Sheshin Nëna Terezë, pranë kinemasë ABC, kurse në Shkup nënshkruhet në Çarshinë e Vjetër, pranë Galerisë së Arteve, njofton portali Zhurnal.
“Ne do mobilizohemi së bashku me qindra bashkatdhetarë në këto tre qendra të shqiptarisë sepse Remziu ishte i të gjithë shqiptarëve. Mobilizohu dhe ti! Si fillim, firmose këtë peticion, që e vërteta rreth Remziut të mos harrohet; që drejtësia të bëhet; që ai si gjithë qeniet njerëzore të ketë një banesë të fundit ku të prehet përjetësisht”, ka thënë Ardian Hoxha, i biri i Remzi Hoxhës.
