Në më pak se një javë peticioni i shoqërisë civile është firmosur nga rreth 26 mijë qytetarë.
Organizatorët e nismës konfirmojnë për JavaNews se bëhet fjalë për mbi 25 mijë firma në stenda dhe mbi 500 në platformën online https://www.ipetitions.com/petition/qytetaret-pro-reformes
Peticioni “Qytetarët pro Reformës” është iniciuar nga 50 organizata jofitimprurëse ndërkohë që ai është shtrirë përtej Tiranës.
Duke pohuar se stendat menaxhohen nga të rinj vullnetarë, organizatorët thanë për JavaNews se tashmë mund të firmosin edhe qytetarët e Shkodrës, Lezhës, Durrësit, Vlorës, Korçës, Beratit dhe të gjithë qytetet kryesore të vendit.
Ndërkohë, në kryeqytet numërohen 7 pika ku qytetarët mund të paraqiten për të firmosur peticionin. Stendat kryesore janë ato te Parku Rinia, Komuna e Parisit dhe 21 Dhjetori.
Iniciativa që nisi pak ditë më parë i ka kërkuar çdo deputeti të Parlamentit, që në këtë moment vendimtar për të ardhmen e reformës në drejtësi, të ketë përgjegjësinë të bëjë një hap konkret.
“Çdo bllokim i këtij proçesi është bllokim i zhvillimit të vendit dhe të ardhmes sonë evropiane. Reforma në Drejtësi nis me Vetingun.” – thonë organziatorët e peticionit.
Javanews./b.d
