Pesë ditë më parë, një grup i madh intelektualësh publikuan një peticion ku u shprehën shumë të shqetësuar për disa individë që shfrytëzojnë median vizive për të shpalosur ide se shqipja është gjuha më e lashtë dhe i bënë thirrje AMA-s që t’i ndalonte.
Sazan Guri, ambientalist dhe përfaqësues i shoqërisë civile dhe drejtues i organizatës “Rrënjët tona” tha në studion e emisionit “Të Paekspozuarit” në MCN TV se shumica e atyre që kishin nënshkruar peticionin nuk kanë bërë asnjë libër, apo fletë.
“Shumica prej tyre nuk ka asnjë libër, asnjë fletë. Ne jemi te misioni “Rënjët tona” që nuk i biem në qafë askujt në publik, por e mbajmë këtë akademi me pensionet tona, edhe taksat janë shumë të ulëta me 2 mijë lekë në muaj, sepse shumica e tyre janë në moshë të thyer. Por në këtë mison ne shpalosim që të gjejmë dhe vadisim rrënjët, zbulojmë gjëra që na janë thënë keq, na janë thënë gjysmë. Na është thënë p.sh. që në lindje të detit Adriatik ndodhet qyteti i Durrësit, i banuar nga ilirë. Këtë e thotë Tukididi. Përkthimi është: në lindje të Adriatikut ndodhet qyteti i Durrësit që banohet nga grekë, por ka edhe ca ilirë nëpër fshatra”-tha Guri.
Guri tha se intelektualët bënë një peticion përjashtues.
“Peticionin shihe nga emri. Duke qenë akademik, duhet të ruash gjuhën letrare. Ky ishte përjashtues dhe jo përbashkues. Gjuha shqipe, gjuha e natyrës, është Kongres”, shtoi ai.
/a.r
