Largimi i mijëra kosovarëve drejt vendeve të Evropës ishte përgjigjja më e qartë se klasa politike kosovare në shtatë vjetët pas pavarësisë ka dështuar të krijojë një ambient të sigurt dhe shpresëdhënëse për popullin e tij. Kështu ka deklaruar ish-shefi i UNMIK-ut për periudhën qershor 2004 – qershor 2006, danezi Soren Jessen-Petersen.
Në një intervistë ekskluzive dhënë për një media kosovare, Petersen i piketon disa nga sektorët kyçë, ku Kosova ka stagnuar gjatë shtatë viteve të pavarësisë, përfshirë dështimin në ekonomi, arsim, në luftën kundër korrupsionit dhe krimit të organizuar e mbi të gjitha nuk ka arritur të krijojë “shpresë tek populli për vendin”.
Petersen, i cili është quajtur edhe si “Mbrojtësi i Kosovës”, aktualisht është duke punuar si profesor i marrëdhënieve ndërkombëtare në Shkollën Ndërkombëtare për Studime të Avancuara “John Hopkins”, në lëndën: “Emigrantët ekonomikë, refugjatët dhe sigurimi njerëzor”.
Marrë nga gazeta “Zëri”
Redaksia Online
(JavaNews.al)
