Shkëlqim Hajdari, aktualisht me detyrë Inspektori i Përgjithshëm i Inspektoratit Qendror, por i njohur edhe si një nga prokurorët me të rëndësishëm të vendit në dy dekadat e kaluara, ka dhënë lajmin e mirë mbi gjendjen e fundit shëndetësore të avokatit Maks Haxhia, pas hemorragjisë celebrale që ai pësoi një ditë më parë.
Sipas Hajdarit, që e ka vizituar sot në spital, avokati i njohur e ka kaluar rrezikun për jetën.
Avokati Maks Haxhia, i cili mbrojti së fundmi ish-ministrin e Brendshëm Saimir Tahiri, është edhe profesor i njohur në Fakultetin e Drejtësisë.
Shkëlqim Hajdari thotë se si ish-student i tij, e lidh një miqësi e vjetër, çka fillimisht e ligështoi kur mësoi lajmin, prandaj shkoi sot dhe u interesua në spital për ta vizituar dhe mësuar gjendjen e tij shëndetësore.
Mesazhi i Shkëlqim Hajdarit:
“U ligështova për gjendjen shëndetësore të Maks Haxhisë, Profesorit tim dhe mijëra juristeve të tjerë të Shqipërisë, por dhe u gëzova, pasi mjekët më konfirmuan, se e ka kaluar gjendjen cerebrale pa pasoja. Nuk mund të rrija pa e dhënë këtë lajm të mirë, për këtë burrë Zotni. Lus Zotin, shërim të shpejtë Profesor…”
/a.r
