Michael Phelps ka thyer rekordin 2 mijë vjeçar Olimpik të vendosur nga Leonida i Rodosit, që kishte 12 tituj individualë. Po kush ishte Leonida i Rodosit, rekordin e të cilit e ka thyer Michael Phelps pas 2 mijë vitesh.
Leonida i Rodosit kishte 12 tituj individualë. Phelps ka 22 medalje të arta, por 9 prej tyre kanë ardhur nga stafetat. Leonida i Rodosit garoi në katër olimpiada në vitet 164, 160, 156 dhe 152 përpara Lindjes së Krishtit.
Si vrapues, ai fitoi në olimpiadën e parë, garën e sprintit që njihet si stadion (200 metra), garën diaulos, që ishte sa dyfishi i stadion dhe garën hoplidromos, ose ndryshe vrapimi me armatim.
Ata vraponin nudo, të ngarkuar me armatim, në temperatura që shkonin 40 gradë, shkruan BBC. Ka pak informacion biografik për Leonidën. Ajo që dihet është se emri i tij vjen nga fjala greke, Luan.
Mendohet se ai vinte nga një familje e pasur aristokrate. “Ka shumë mundësi të ketë qenë një aristokrat, i shëndetshëm, mbase rridhte nga një familje atletësh”, thonë historianët.
Rodosi njihet për traditën e tij të atletëve, shkruan BW. Në kohën e Leonidasit nuk kishte medalje argjendi apo bronzi, fituesi i merrte të gjitha.
Pas vdekjes, Leonida adhurohej si një Zot. Një statujë e tij në Rodos shkruante: Ai kishte shpejtësinë e një Zoti.
