Ministri i Brendshëm Ervin Hoxha ka reaguar mbi operacionin sot në Kukës. 22 efektivë u vunë nën akuzë, pasi kishin përvetësuar paratë e gjobave. 6 prej tyre u arrestuan, ndërsa pjesa tjetër u lanë në masa sigurie arrest në shtëpi dhe detyrim paraqitje.
Vetë Hoxha deklaron se do të ketë një ripërtëritje të të gjithë trupës policore.
“Falë një hetimi profesional të Agjencia e Mbikëqyrjes Policore dhe Prokurorisë së Kukësit u vunë para përgjegjësisë ligjore 22 punonjës e ish-punonjës të Policisë Rrugore.
Rritja e besimit të qytetarëve tek Policia e Shtetit, e cila vetë po kalon një proces ripërtëritje të trupës drejtuese, lidhet ngushtësisht me garantimin e integritetit të punonjësve të organizatës.
Lufta kundër paligjshmërisë fitohet duke patur së pari, një trupë policore të aftë për t’ju përgjigjur sfidave të ndërtimit të #SHQIPËRISË2030, ndaj gjithë fokusi ynë do të jetë për ta intesifikuar këtë përpjekje”, thekson ministri.
