Një ditë më parë u publikua video e një perosni i cili kishte humbur ndjenjat në zonën e kombinatit pasi zbriti nga autobusi. Personi në fjalë ishte i shtrirë në rrugë dhe atij i ëhstë bërë video nga një kalimtar i rastit. Në lidhje me rastin disa media raportuan se ambulanca u vonua. Por, referuar të dhënave të praktikës GPS, rezulton se ambulanca mbërriti në vendngjarje 15 minuta pasi mori njoftimin.
Ja shpjegimi i plotë i Ministrisë së Shëndetësisë:
Së pari, siç edhe mund të verifikohet fare lehtësisht nga video e regjistrimit elektronik të shërbimit të urgjencës nëpërmjet sistemit GPS të aktivitetit të lëvizjes në terren të autoambulancës “TR 9916 K Urgjenca e Tiranës”, thirrja për t’i ardhur në ndihmë personit në nevojë nga intoksikimi alkoolik është marrë nga centrali i shërbimit të urgjencës mjekësore në orën 20:15, pikërisht në kohën e rrebeshit të shiut që përfshiu në atë çast qytetin e Tiranës. Autoambulanca në fjalë, e ka marrë thirrjen në kohën e përfundimit të një misioni në ndihmë të një qytetari tjetër në zonën përreth Muzet Kombëtar, dhe menjëherë është nisur për t’i ardhur në ndihmë qytetarit në fjalë, duke mbërritur në vendngjarje në 20:30.
Së dyti, vendodhja e qytetarit në nevojë ishte zona e Kinostudios, pranë Restorant “Molla” në Tiranë, dhe jo Kombinati, siç raportohet gabimisht në shkrim.
Së treti, pavarësisht kohës së keqe dhe rrebeshit të shiut, qytetari është transportuar në orën 20:38 në QSUT, ku ka arritur të marrë shërbimin e specializuar të kujdesit shëndetësor.
Pra, siç mund të shihet qartësisht, autoambulancës i janë dashur 15 minuta, siç raportohet në shkrimin e sipërpërmendur, për të mbërritur në vendodhjen e personit në nevojë pas marrjes së thirrjes.
Bashkëlidhur njoftimit, do të mund të gjeni kopje elektronike të videos praktikës së gjurmimit me sistemin GPS të instaluar brenda autoambulancës për rastin në fjalë nga ora 20:11 deri në orën 20:38. /a.m.
