Të gjithë personat e prekur me HIV/AIDS, të cilët shfaqin rezistencë ndaj barnave antiretrovirale që janë në vendin tonë, do të kenë mundësi të kurohen falas me barna specifike. Ky fakt u bë i ditur nga Zëvendësministri i Shëndetësisë, z. Klodian Rjepaj, në aktivitetin e zhvilluar në kuadër të 1 Dhjetorit, Ditës Botërore Kundër HIV dhe AIDS, ku i pranishëm ka qenë edhe Koordinatori i Përhershëm i UNDP Albania z. Brian WIlliams.
Furnizimi me këto lloj barnash do të fillojë vitin e ardhshëm, ndërkohë që risia është furnizimi më barna antiretroviralë, me barna për ato të sëmurë, të cilët shfaqin rezistencë ndaj barnave ekzistuese në Shqipëri. Mjekimi do të vazhdojë të ofrohen nga Ministria e Shëndetësisë, por për personat të cilët do të shfaqin rezistencë, atëherë Fondi Global (The Global Fund to Fight AIDS, Tuberculosis and Malaria) do të jetë në ndihmë të tyre për ti mjekuar. Po kështu, edhe testi i rezistencës, i cili do të ofrohet në këtë mënyrë.
Pavarësisht se vendi ynë hyn tek vendet me prevalencë të ulët ndaj këtij infeksioni, Ministria e Shëndetësisë ka hartuar dy strategji të reja, të cilat synonjnë ndërgjegjësimin e popullatës për depistime dhe këshillime FALAS. Sot, nënshkrova dy dokumente shumë të rëndësishëm, që janë dy strategji shumë të rëndësishme: Miratimi i “Dokumentit strategjik dhe planit të veprimit për shëndetin riprodhues 2017-2021”, dhe miratimi i “Planit të veprimit për sigurinë e kontraceptivëve 2017-2021”.
Këto dokumente janë një përqasje krejtësisht e re, që shkon përtej moshës riprodhuese, dhe besoj që ekepsrtiza që na ka ardhur nga organizatat e OKB-së në Shqipëri, por edhe nga ekspertë të tjerë, janë elementë shumë të rëndësishëm, të cilët do të integrojnë të gjitha përpjekjet që janë bërë deri më sot, qoftë nga Programi i HIV/AIDS-it dhe drejtoritë e Instituti i Shëndetit Publik, por qoftë edhe nga shërbimet shëndetësore që janë të shtrira në mënyrë kapilare në terren. Ky dokument arrin ti rrokë të gjithë këta elementë, për ti dhënë një shtysë më të madhe, sensibilizimit të individëve, përqasjes për të marrë këshillim konfidencial, por edhe për të luftuar stigmën dhe diskriminimin.
ma.me