Në kuadër të operacionit policor të koduar “Valbona” është zbuluar një dhomë brenda një banese e përshtatur për kultivimin e kanabisit me anë të llambave, në një banesë ku kishte lidhje të paligjshme të energjisë elektrike.
Ndërkohë, pronari i banesës, 43-vjeçari me iniciale Sh.S. është shpallur në kërkim nga Policia. Elektricisti i zonës, 59-vjeçari me iniciale Q.B. është proceduar në gjendje të lirë për veprën penale “Shpërdorimi i detyrës”.
Janë sekuestruar një sasi lënde e dyshuar narkotike kanabis, fidanë narkotikë, llamba dhe pajisje të ndryshme elektrike, që shërbejnë për kultivimin e bimëve narkotike në ambiente të mbyllura.
Në momentin e ndërhyrjes, shërbimet e Policisë nuk kanë gjetur asnjë njeri në shtëpi. Në vijim të veprimeve u bë shpallja në kërkim e pronarit të banesës, 43-vjeçarit me iniciale Sh. S., banues në Valbonë, për veprat penale “Kultivimi i bimëve narkotike” , “Prodhimi dhe shitja e narkotikëve” dhe “Vjedhja e energjisë elektrike”.
Materialet procedurale iu referuan Prokurorisë pranë Gjykatës së Shkallës së Parë Tropojë, për veprime të mëtejshme.
/a.r
