Bashkimi Europian po shqyrton zgjerimin e rolit të misionit të tij detar “Aspides” në Gjirin Persik, për pastrimin e minave në Ngushticën e Hormuzit, sapo kushtet e siguries ta lejojnë.
Sipas një dokumenti të Shërbimit Europian për Veprim të Jashtëm, të siguruar nga agjencia Reuters, situata aktuale në rajon kërkon që Bashkimi Europian të japë një kontribut domethënës në një koalicion të përkohshëm të udhëhequr nga Franca dhe Mbretëria e Bashkuar.
Në dokumentin e datës 26 maj thuhet se misioni detar europian “EUNAVFOR Aspides” propozohet të marrë rolin parësor në operacionet për pastrimin e minave ne Ngushticën e Hormuzit, si pjesë e kontributit europian në përpjekjet e koalicionit franko-britanik.
Megjithatë, ndryshimi i mandatit të misionit “Aspides” kërkon miratimin unanim të të 27 vendeve anëtare të Bashkimit Europian.
Ngushtica e Hormuzit konsiderohet një nga rrugët më strategjike të transportit detar në botë, pasii përmes saj kalon një pjesë e konsiderueshme e eksporteve globale të naftës dhe gazit, e cila vijon të jetë e bllokuar për shkak të tensioneve Iran-SHBA.
