Seanca gjyqësore ndaj ish-deputetit të PDK-së, Azem Syla është shtyrë për datën 11 korrik. Lajmin e ka bërë të ditur avokati i tij, Tom Gashi përmes një postimi në Facebook.
Këto seanca ishin paraparë të mbaheshin më 6, 7 dhe 8 korrik.
Azem Syla, bashkë me 51 persona të tjerë, dyshohen për veprat penale: krim i organizuar, shpëlarje parash, keqpërdorim i pozitës zyrtare, nxjerrje e kundërligjshme e vendimeve gjyqësore dhe dhënie e marrje ryshfeti.
Gashi gjithashtu ka thënë se EULEX-i vazhdon të mos i dorëzojë lëndët te prokurorët dhe gjyqtarët vendor, për shkak të mos besimit, referon Zëri. (b.an)