Nga Ilir Beqaj/
Rëndësia thelbësore e testimeve në kontrollin e epidemive është e padiskutueshme, por ekspierienca botërore e kontrollit të COVID 19 po tregon se nuk ka një korrelacion të qartë e të drejtpërdrejtë midis testimeve të kryera dhe përhapjes së pandemisë dhe pasojave të saj.
Në tabelën në vijim paraqiten të dhënat mbi testimet e kryera, rastet pozitive dhe vdekjet si dhe të njëtat të dhëna për 1 milionë banorë. Rradhitja nga vlera më e madhe te vlera më e vogël sipas testeve të kryera për 1 milion banorë.
Është thënë shumë se Koreja e Jugut është shembull suksesi sepse ka bërë shumë testime. Të dhënat e tabelës nuk na e konfirmojnë këtë gjë. Koreja e Jugut ka bërë 8,875 testime për 1 milion banorë. Ndërkohë që Italia që është nga vendet e prekura shumë më rëndë ka bërë 10,870 testime për 1 milion banorë apo 22 % më shumë.
Është thënë shumë se Gjermania është shumë më mirë se Italia sepse ka bërë shumë më teëpr testime. Në të vërtetë Gjermania sic duket në tabelë ka bërë 0,8 % më shmë teste se Italia.
Edhe Singapori dhe Tajvan për të cilët është folur shumë si modele suksese kanë bërë më pak apo shumë më pak teste se Italia.
Në këtë kontekst vendosa të analizoj atë tregues që “zbulova” duke analizuar të dhënat e Italisë sipas rajoneve (publikuar tashmë në Javaneës), raportin midis testeve dhe rasteve pozitive dhe korrelacionin me të vdekurit për 1 milion banorë.
Edhe nga kjo tabelë rezulton “zbulimi” se vendet me tregues të këqinj kanë bërë pak teste për çdo rast pozitiv edhe pse mund të kenë bërë shumë teste për popullsinë që kanë. Me përjashtim të Danimarkës, në të gjithë vendet vihet re se sa më shumë teste për banor të jenë bërë aq më pak janë të vdekurit sipas popullsisë.
Edhe Koreja e Jugut, Singapori, Tajvani janë nga vendet me vlerë të lartë të këtij treguesi dhe kanë 2-3 të vdekur për 1 milion banorë.
Spanja që është sot vendi që ka njëherazi numur shumë të madh për 1 milion banorë të rasteve dhe vdekjeve ka bërë vetëm 2,8 teste për banor.
Italia ka bërë 5,3 teste për çdo rast. Rajoni i Lombardisë që ka 39 % të të prekurve dhe 56 % të vdekjeve ka bërë 2,8 teste për cdo rast. Nëse do të analizohej Italia pa Lombardinë do të kishim një Itali tjetër, 1510 të prekur për 1 milion banorë, 134 të vdekur për 1 milion banorë 6,8 teste për çdo rast.
Franca ka bërë 2,5 teste për çdo rast.
Gjermania ka bërë 9,6 teste për rast dhe ka 17 të vdekur për 1 milion banorë.
Austria ka bërë 8,8 teste për rast dhe ka 21 të vdekur për 1 milion banorë.
Në ditët në vijim me sa më shumë të dhëna të disponohen më shumë më analiza më të thelluara do të mund të bëjmë për të dhënë përgjigje për shumë pse që kemi.
