Partia Demokratike e Rithemelimit të Sali Berishës, prej shumë kohësh ka mbajtur opinionin publik dhe veçanërisht bazën e PD të karikuar me “mrekullinë e primareve” që vijnë nga demokracia amerikane.
Që në fillim mesazhi ka qenë se “pavarësisht se SHBA më ka shpallur non grata për korrupsion dhe minim të demokracisë, unë jam njësoj si ata”.
Gjithashtu synimi tjetër në dukje, ishte “hapja dhe bashkimi” i partisë sidomos në bazë.
Por ai ndodhi vërtetë kjo?!
Sipas të dhënave që vijnë nga vetë PD e Rithemelimit pjesëmarrja ishte teje e ulët, edhe në krahasim me zgjedhjet për kryetarë degësh dhe Berishën në krye të forcës.
Përveç kësaj, përçarja edhe brenda ndjekësve të Rithemelimit u shfaq hapur, pasi në shumë degë në bazë ka kontestime të mëdha nga kandidatët.
Kulmi ishte rasti i Kamzës ku 2 nga 3 kandidatët kryesorë, ish- deputeti Asllan Dogjani dhe Shemsi Prençi, akuzuan hapur se procesi ishte i manipuluar, i vjedhur dhe se madje në rezultat kishin ndikuar edhe socialist-votues!
Por le të ndalemi më konkretisht te Tirana, e cila ishte edhe zemra e këtij procesi.
Në pamje të parë gara mes 7 kandidatëve ishte model, pavarësisht nga insinuatat se edhe kjo ishte e paracaktuar.
Gjithsesi le të mbetemi te pjesëmarrja.
Primaret për zgjedhjen e kandidatëve për zgjedhjet e 14 Majit për bashkinë Tiranë nuk nxorën fitues, pavarësisht se Belind Këlliçi mori gati dyfish vota më shumë se të 6 kandidatët e tjerë.
Kështu Këlliçi dhe Ilir Alimehmeti shkojnë në balotazh javën tjetër, të dielën.
Problemet dhe akuzat ishin të shumta në këtë proces që zhvillohet për herë të parë në Shqipëri, por listat ishin problemi kryesor që përplasi palët në proces.
Rithemelimi nuk i bëri publike ato për mediat, për të mësuar se kush kishte të drejtë vote.
Megjithatë numri doli.
Në Tiranë ishin regjistruar rreth 29 mijë anëtarë të PD-së, për të votuar në procesin e primareve.
Por sa votuan faktikisht?!
Kryetarja e komisionit të organizimit të zgjedhjeve në PD, Albana Vokshi tha se zyrtarisht në Tiranë votuan 8470 anëtarë.
Kjo shifra është një goditje për qëllimin fillestarë të Sali Berishën, pasi në proces kanë marrë pjesë më pak se 1/3 e anëtarëve dhe simpatizantëve të PD-së.
Por është ky një bojkot kundër procesit, apo kundër Sali Berishës?!
Le të kthehemi pak prapa në kohë, kur Berisha ende nuk kishte nisur Foltoren.
PD në zgjedhjet e Prillit 2021 ka marrë në Tiranë 136,802 vota.
Të shtatë kandidatët kanë marrë 8,470 vota, pra vetëm 6.2%.
Vetë “fituesi” Belind Këlliçi në zgjedhjet e Prillit 2021 ka marrë në total 11,601 vota.
Kurse në primaret që u mbyllën mbrëmë, vetëm 4,040 vota, ose rreth 35% të votave të veta.
Këto shifra janë katastrofike për vetë gjendjen brenda opozitës, se për të mundur Erion Velinë me gjithë makinerinë e tij as që bëhet fjalë.
Pra me pak fjalë edhe ky proces më shumë e ka tkurrur dhe e ka përçarë Partinë Demokratike vetëm pak muaj përpara zgjedhjeve.
Po bojkotojnë këtë forcë politike, apo Sali Berishën dhe “berishizmin”?
Llogaritë le ti bëjnë vetë demokratët në bazë që panë nga afër dhe e dinë më mirë se kushd, se çfarë “pollën” këto Primare./Alfapress.al
