• Kontakt
  • Kreu
  • Rreth Nesh
Sunday, November 8, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Përse dështoi tentativa e “babalizimit” të Parlamentit Europian?

by Drini Kuqo
16/10/2018 15:14
Shperndaj ne FacebookShperndaj ne Twitter

Nga Drini Kuqo

Shumë media u mjaftuan dje të komentonin vetëm faktet e asaj që ngjau në Parlamentin Europian. Për portalet opozitare, delegacioni i PD demaskoi fytyrën e shëmtuar të qeverisë Rama në Bruksel. Për portalet e majta, PE goditi opozitën, duke i thënë që betejat e saj mos t’i eksportojë në Europë, duke i dhënë fund bojkotit Parlamentar.

Nëse mjaftohemi me kaq, lehtësisht mund të humbasim thelbin e asaj që ndodhi. Delegacioni i PD, tentoi dje të “babalizonte” institucionet europiane duke i bërë pjesë të luftës së brendshme politike dhe këta të fundit, përfshi edhe të djathtët europianë, i kërkuan Pollos që të ndërpriste fjalën, duke shkaktuar largimin e tij të parakohshëm nga salla.

Pyetja që duhet të shtrojmë është përse? Mos vallë Parlamenti Europian është shndërruar edhe ai një vegël në duart e Ramës, ashtu si Lu apo Vlahutin përpara tyre, nëse besojmë propagandën e opozitës?

Një pjesë e përgjigjes është dhënë që dje me vetë gojën e përfaqësuesve europianë. Në Bruksel, nuk e kanë zakon të merren me thashetheme. Ndaj, përgjigja ndaj demokratëve nuk la vend për ekuivok: Nëse keni prova mund t’iu dëgjojmë, por edhe këtë pasi t’i keni dorëzuar këto prova në institucionet përkatëse.

Megjithatë, për dikë që ndjek me pak vëmendje zhvillimet ndërkombëtare, Bashkimi Europian jo gjithmonë ka kërkuar prova përpara se të dëgjojë akuza.

Këtë vit, aktivisti maroken, Naser Zefzafi është nominuar nga Bashkimi Europian për çmimin “Sakharov” për lirinë e mendimit. Kjo pasi ai për disa muaj me radhë denoncoi dhe organizoi protesta kundër korrupsionit të përhapur në vendin e tij. Një vit më parë, fitues i këtij çmimi ishte opozita venezueliane. Lista vazhdon e gjatë, por asnjërit prej tyre nuk iu kërkua që të shkonte në vendin e vet dhe të hapte atje proces kundër regjimit.

Akuzat e tyre ishin të mjaftueshme për BE. Dikush do të thonte që ata luftojnë ndaj regjimeve të korruptuara ku është e pamundur të bësh oponencë, por jo gjithmonë çmime të tilla u janë dhënë personazheve që vijnë nga vende të trazuara ku nuk ekziston e drejta e ligjit. Dhe gjithashtu, shpesh në Parlament janë lejuar që parti të ndryshme europiane të shprehin pikëpamjet e tyre, shpesh në kundërshtim me qeveritë që janë vetë vende anëtare.

Atëherë, arsyeja përse Pollo me mirësjellje u përzu prej sallës nuk lidhet vetëm me vizionin e BE-së se si duhet të funksionojë një demokraci. Përgjigja bëhet e plotë nëse fusim elementin e diskretitimit.

Tentativat e vazhduara të Partisë Demokratike për të postuar luftën e saj politike në Bruksel kanë prodhuar një efekt “ujku, ujku”, që bën që veshët europianë të jenë pak të predispozuar për të dëgjuar retorikën e demokratëve.

Në Bruksel, nuk kanë harruar që PD votoi kundër hapjes së negociatave. Nuk kanë harruar as që PD tentoi të bllokonte në mënyrë të përsëritur vetingun. E këto nuk janë as raste të izoluara.

Për këtë arsye, Partia Demokratike sot shkon në Parlamentin Europian me një imazh të diskretituar, nga strategjia absurde që ajo vetë ka zgjedhur. Me shumë gjasë, edhe vetë Pollo e dinte se cili do të ishte reagimi i Europës, por ajo deklaratë lakonike nuk i adresohej Brukselit, por portaleve të djathta, për t’i dhënë pak miell për të bluar në makineritë e tyre të propagandës.

Që do të thotë se edhe një herë më shumë, për interesa të ngushta politike, PD dëmton imazhin e saj dhe së bashku me të, edhe imazhin e vendit tonë në Europë.

Kjo është një fatkeqësi për çdo shtet, sidomos për një vend me probleme si Shqipëra, sepse herët apo vonë, PD do të ketë me siguri gjëra të vyera për të thënë në Bruksel. Nuk ka asnjë iluzion se qeveria që kemi i bën të gjitha gjërat mirë, por ujku një herë, ujku dy e ujku tre, opozita rrezikon të mbesë memece atëherë kur fjalët e saj do të duhen më shumë. Faji këtu nuk është i Pollos, as i Bumçit përpara tij, por i vetë “timonierit”.

Ndaj, edhe pse e di që nuk do të ndodhë, brenda meje kam një shpresë që kjo do të jetë e fundit herë që do të shkojmë në Bruksel për t’i qitur sytë njëri-tjetrit, në një kohë kur ato forca që duan të na përplasin derrën në surrat, janë gjithmonë e më të shumta.

Next Post
Horoskopi ditor, e Shtunë 13 Tetor 2018

Horoskopi ditor, e Mërkurë 17 Tetor 2018

Leave a Reply Cancel reply

Your email address will not be published. Required fields are marked *

TË FUNDIT

Aksident dramatik dhe i i shumëfishtë pranë nyjes lidhëse të autostradës Durrës-Tiranë, makina përmbyset pas përplasjes së tri mjeteve

Aksident tragjik në Durrës, 26-vjeçarja përplas për vdekje këmbësorin

November 8, 2026
“E di se akuzat i ka shumë të rënda”, Minxhozi: Meta po përpiqet ta bëjë historinë e tij sa më të vështirë

Dy protesta që i morën frymën njëra-tjetrës

November 8, 2026
9 elektricistë humbën jetën në punë gjatë vitit 2026, alarm për sigurinë e punonjësve të energjisë

9 elektricistë humbën jetën në punë gjatë vitit 2026, alarm për sigurinë e punonjësve të energjisë

November 8, 2026
Hapja e listave/ “Të gjithë të barabartë”, Kume: Vendimi i Kushtetueses, shuplakë që iu jepet ligjvënësve!

Kume: Të bëhet reformë zgjedhore konkrete, jo të bëjnë sikur punojnë!

November 8, 2026
Rezistenca ndaj antibiotikëve alarmon ekspertët, 35 mijë viktima çdo vit në BE, rrezikohen 39 milionë jetë deri në 2050

Rezistenca ndaj antibiotikëve alarmon ekspertët, 35 mijë viktima çdo vit në BE, rrezikohen 39 milionë jetë deri në 2050

November 8, 2026
Irani i dërgon mesazh SHBA-së: Zgjidhni fundin e luftës ose përballjen ushtarake!

Irani i dërgon mesazh SHBA-së: Zgjidhni fundin e luftës ose përballjen ushtarake!

November 8, 2026
Pr.buxheti 2027/ PBB-ja kalon 30 mld €, ekonomia rritet me 3.9%, të ardhurat për frymë arrijnë në 12,886 € në vit

Pr.buxheti 2027/ PBB-ja kalon 30 mld €, ekonomia rritet me 3.9%, të ardhurat për frymë arrijnë në 12,886 € në vit

November 8, 2026
Të gjithë shpresat tek Erioni

Përse po protestohet anë e kënd Europës?

November 8, 2026
Emergjencë në Ishujt Kanarie nga fluksi i emigrantëve, kërkohet ndërhyrje urgjente nga Spanja dhe BE-ja

Emergjencë në Ishujt Kanarie nga fluksi i emigrantëve, kërkohet ndërhyrje urgjente nga Spanja dhe BE-ja

November 8, 2026
A do japin dorëheqjen Rubio dhe Hegseth? Vjen reagimi i Shtëpisë së Bardhë

Gazetarja zbërthen humbjen e republikanëve në SHBA: Pakënaqësia ndaj Trumpit, konflikti në Iran dhe vota e të rinjve që ndryshoi rezultatin e demokratëve

November 8, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In