“The English Teacher” (Mësuesja e anglishtes) është një rrëfim për një njësit të shërbimit inteligjent “Mossad”, e shkruar nga një ish-oficer i inteligjencës në Izrael.
Nuk është autobiografi, por triler, që bazohet lirshëm në fakte, ose siç shkruan autori Yiftach Reicher Atir në shënimin e parathënies, “një rrëfim i vërtetë i jetës reale operative që është e tëra e sajuar dhe për misionet aktuale që nuk kanë ndodhur asnjëherë”.
Atir ofron një vështrim të jashtëzakonshëm mbi spiunazhin në Lindjen e Mesme. Ai alarmon lexuesit që “ndryshime dhe lëshime të shumta ishin improvizuar” nga censorët e qeverisë së tij, shkruan “Washington Post”, transmeton “Koha Ditore”. E duke qenë se shumica e asaj që përmban romani duket të jetë goxha zbuluese dhe shpeshherë është rrëqethëse, lexuesit mbeten duke pyetur se cilat ngjarje shokuese nuk janë përfshirë aty.
Gjithashtu, sa shumë ka dezinformata që Atir i ka vënë në libër, të cilat synojnë t’u pamundësojnë agjencive tjera të inteligjencës në Lindjen e Mesme për të kuptuar sesi vepron në të vërtetë agjencia e spiunazhit “Mossad”? Këto janë pyetje legjitime, intriguese që vetëm sa e shtojnë misteriozitetin e përgjithshëm të romanit dhe kënaqësive të shumta që ofron leximi i tij.
Libri nis me një moment befasues: Punonjësja Rachel Ravid – njëherë i përmendur si Rachel Goldschmitt, nganjëherë Rachel Brooks — është duke u përgatitur të zhduket. Ajo na shfaqet duke e mbyllur apartamentin e babait të saj të ndjerë dhe duke shijuar lirinë që vdekja e tij më në fund ia ka siguruar asaj. (b.an)
