Një djalë 12-vjeçar është paditur nga tezja e tij dhe i kërkohet dëmshpërblim 127 mijë dollarë, pasi i theu kaviljen në festën e ditëlindjes së tij. Ngjarja ka ndodhur në Westport të shtetit Connecticut në SHBA, më 2011. Kur Jennifer Connell arriti në shtëpinë e nipit, Sean Tarala, ai e priti gjithë gëzim dhe iu hodh për ta përqafuar, çka bëri që të dy të binin përtokë. Tezja nuk tregoi për dëmtimin në atë kohë, për të mos prishur gëzimin e festës. Ajo shtoi në gjyq se nipi u tregua i dashur gjatë gjithë kohës. Por, pavarësisht këtyre, dëmtimi ka pasur pasoja në jetën e saj. Ajo përshkroi në gjyq vështirësitë e jetesës në Manhatan dhe dhimbjen e ngjitjes së tre kateve të shtëpisë. Gjithashtu dha edhe një detaj tjetër stresi: “Kohët e fundit isha në një festë dhe nuk e mbaja dot pjatën me ushqime”. 12-vjeçari u shfaq i hutuar gjatë gjithë kohës së gjyqit. Edhe pse ai ishte vetëm tetë vjeç kur ndodhi ngjarja, gjyqtari i ka thënë se ai “duhej ta kishte ditur që një përshëndetje e fortë mund të shkaktojë dëmtime”.
Përqafim i fortë, tezja padit nipin
