Tri efektivë policie dhe katër protestues janë dërguar në Spitalin e Traumës dhe QSUT, si pasojë e lëndimeve që kanë marrë gjatë përplasjeve në protestën e mbajtur sot para Parlamentit.
Sipas informacioneve nga bluzat e bardha, bëhet me dije se të lënduarit janë jashtë rrezikut për jetën. Në njoftim sqarohet se dy efektivë dhe dy protestues po marin shërbimin mjekësor në Spitalin e Traumës, ndërsa efektivi tjetër dhe dy protestuesit e tjerë po trajtohen te QSUT-ja.
“Në Urgjencën e Spitalit Universitar të Traumës janë duke marrë shërbim mjekësor 2 efektivë policie dhe 2 protestues. Në QSUT po trajtohen 1 efektiv policie dhe 2 protestues. Në të dy strukturat spitalore personat e paraqitur janë nën kujdesin mjekësor jashtë rrezikut për jetën. Pacientët do plotësohen me ekzaminime sipas protokollit dhe do ndiqen në dinamikë”, thuhet në njoftim.
