Analisti Ergys Mërtirit tha në një intervistë për Euronews Albania se opozita, me atë që e quan aksion në Parlament është duke prodhuar kriza artificiale.
Sipas tij, veprimet e opozitës janë dëshmi e krizës së brendshme dhe mungesës së mbështetjes nga populli.
“Aksioni i opozitës për mua nuk ka krye, opozita në pamundësi për të qenë e fortë bindëse tek njerëzit për të pasur mundësi që njerëzit të dalin në protestë ta votojnë, bëjnë këto lloj aksionesh për të treguar forcë, prodhojnë kriza artificiale që janë dëshmi e krizës së brendshme që ka opozita.
Bëjnë shfaqje të shëmtuara me të cilat njerëzit nuk solidarizohen. Është opozitë zhurmuese dhe prodhon efekt negativ. Kjo lloj opozite ndihmon Ramën, se me këtë lloj opozite Rama qëndron 100 vjet në pushtet”, tha Mërtiri./m.j
