Në një intervistë në “Ora e Fundit” në ABC Neës, gazetari Ardit Rada komentoi zhvillimet e ndodhura në Komisionin Hetimor të Shëndetësisë.
Gjatë fjalës së tij Rada tha se opozita sipas tij e ka dështuar me sukses këtë komision, duke nënvizuar se Vokshi mund t’i frikësohej dëshmive të Ilir Beqajt.
I pyetur për lajmin se vetë familja Vokshi është nën hetim pasuror, ai tha:
“Nuk është çudi që vetë ish-ministri Beqaj të dëshmonte në Komision pikërisht lidhje të tilla. Mbase vetë Vokshi dhe anëtarë të tjerë të opozitës në Komision i janë trembur ndonjë dëshmie edhe për vetë lidhjet e tyre me bizneset e barnave. Këtu ka nisur i gjithë debati. Kjo bandë e ilaçeve që ka zhvilluar aktivitet në Shqipëri ka financuar PD dhe LSI dhe ky është një fakt publik. Administratorë të ndryshëm të depove farmaceutike kanë financuar në disa zgjedhje dhe këtu mendoj se është bërë pengimi i Beqajt për të dëshmuar. Pra mund të jetë edhe arsyeja e nervozizmit të Albana Vokshit dhe anëtarëve në Komision. Mund të thuhet se opozita e dështoi atë me sukses”, tha ai.
Gjithashtu gjatë intervistës, Rada u ndal edhe tek akuzat që Gazment Badhi ka ngritur ndaj Flamur Nokës. Gazetari Rada nënvizoi se akuzat e Bardhit ndaj Nokës janë edhe për trafikim droge
“Gazment Bardhi është një personazh politik që ka tentuar të kalojë yblerin dy tre herë. Ka detyrim publik që të sqarojë që kur e akuzonte Sali Berishën si autor të Gërdecin, nuk shkonte tek 21 janari sepse atje futej edhe Basha. Pra situata është aq shumë qesharake sa bëjnë edhe diferencime të krimeve. Tani është edhe pjesa e vilave, por edhe e trafikut të drogës sepse e ka akuzuar Flamur Nokën për këtë ngjarje. Por para disa muajve i kemi parë edhe të dy bashkë, se tashmë bashkohen tek Berisha”, shtoi ai.
