Koncesioni i Rrugës se Kombit përplas Ministrinë e Transporteve dhe Komisionin e Prokurimit Publik. Ne një shkrese zyrtare qe ministria i ka dërguar komisionit dy dite me pare, kërkohet anulimi i vendimit te tij dhe lenia ne fuqi e fituesit te shpallur nga Komisioni i Vlerësimit te Ofertave, pra konsorciumi turk. Ne argumentin e saj, ministria thotë se ankesa e paraqitur pranë komisionit nga konsorciumi shqiptar është jashtë afateve.
“Ankimimi ne Komisionin e Prokurimit Publik nga bashkimi i operatoreve “Catalyst Viva Das General Contracting Co. Llc”, “Salillari”, “Violap Ateve” dhe “Kastrati” është depozituar ne datën 1 gusht, pra pese dite pas mbarimit te afatit te përcaktuar. Afati 5 ditor mbaronte ne datën 27 korrik. Pra ankimi i bashkimit te operatoreve është jashtë afatit dhe si i tille, nuk duhej marre fare ne shqyrtim nga Komisioni i Prokurimit Publik”.
Ministria vijon me tej argumentimin se interpretimi qe ka bere Komisioni i Prokurimit Publik është i gabuar, ndërsa thekson se ne vendimin e tij, nuk janë marre ne konsiderate edhe argumentet teknik, te cilat janë miratuar nga konsulenti “IFC”.
“Per sa i përket vendimit te Komisionit te Vleresimit te Ofertave per procedurën konkurruese per dhënin me koncesion, mirëmbajtjen e autostradës Milot-Morine, ju bejme me dije se kjo vendimmarrje është bazuar edhe ne rekomandimet e “IFC”, e cila ka shërbyer si gur themeli ne marrjen e këtij vendimi. Sa me sipër, ju kërkojmë te rishikoni vendimin tuaj dhe te lini ne fuqi vendimin e Komisionit te Vlerësimit te Ofertave, duke mos pranuar ankimimin”.
Vizion Plus u interesua pranë “IFC” per te mësuar qëndrimin e këtij institucioni, por ky i fundit thote se eshte ne fazen e verifikimit te rrethanave dhe situatës, per te proceduar me tej. Ndaj “IFC” nuk ka ende nje vendim lidhur me fituesin. Burime per Vizion Plus thonë se konsorciumi shqiptar i mbetur ne gare, nuk ka eksperiencën e duhur për te marre mirëmbajtjen e rrugës me te rëndësishme ne vend. Ndaj ky tender, duket se po shkon drejt anulimit.
Afera me mirëmbajtjen e Rrugës së Kombit… historiku
Ende pa përfunduar plotësisht, vepra e cila ka marrë paratë më të shumta në buxhetin e shtetit, rruga e Kombit, u diskutua për tu dhënë me koncesion te një kompani private.
Tentativat ishin që në vitet e fundit të qeverisë Berisha, ku ministri i Transporteve në detyrë, Sokol Olldashi, hartoi një projekt, i cili parashikonte mirëmbajtjen e saj dhe ndërtimin e disa urave dhe rrugëve lidhëse.
Por në analizat financiare të ministrisë në ato vite, rezultoi se cilido operator privat që interesohej për të marrë në dorëzim këtë vepër duhet të merrte para shtesë nga buxheti i shtetit. Pas fitimit të zgjedhjeve nga ana e socialistëve, qeveria shprehu menjëherë vullnetin për të dhënë në formën e Partneritetit Publik – Privat rrugën Milot – Morinë.
Në tetor të 2015-ës u hapën ofertat e tenderit për të marrë këtë rrugë, por nga 4 kompani të interesuara, Komisioni i Vlerësimit vendosi anulimin e tij. 2 prej kompanive të përzgjedhura në fazën finale: turqit e “Vendeka Bilgit” dhe kinezët e “China Communication Construksion” kërkuan subvencion dy herë më të lartë nga vlera që qeveria kishte vendosur për t’i dhënë firmës fituese.
Por nëse herën e parë Ministria e Transporteve vendosi ofertën e ulët për subvencion si shkak për anulimin e tenderit, në rastin kur rihapi ofertat dhe zgjodhi fituesin, u kualifikua kompania që kërkoi para më shumë nga buxheti. “Vendeka Bilgi” do të merrte subvencion 5.6 milion euro, ndërsa “Catalyst” dhe “Salillari” 4.5 milion. Kompanive në fazën e parë iu zbuluan projektet teknike dhe ekonomike, çka bëri që në raundin e dytë të garës konkurrentët të mësonin ofertën e njëri – tjetrit duke shkelur kështu çdo procedurë të tenderimit./vizion plus/a.k
