Inspektoriati Kombëtar i Mbrojtjes së Territorit dhe policia janë rikthyer sërish në Velipojë për të vijuar shembjen e ndërtimeve pa leje përgjatë vijës bregdetare.
Aksioni u ndërpre disa orë më parë për shkak të tensioneve.
Në këtë çështje ka ndërhyrë edhe kryebashkiakja e Shkodrës, Voltana Ademi, e cila i kërkoi IKMT-së të sigurojë urdhërekzekutimi për të prishur lokalet afër detit.
Aksioni ka hasur sërish në rezistencën e banorëve që janë përplasur me policinë. Kjo e fundit ka hedhur ndaj tyre gaz lotsjellës për t’i shpërndarë.
/a.r
