ILDKPI ishte kthyer në një lavatrice parash. Kjo është bërë e ditur nga vetë kreu i këtij institucioni Shklëqim Ganaj në raportimin e tij në Komisionin e Ligjeve ku ka prezantuar raportin e ILDKPKI për vitin 2014.
Ashtu siç u shpreh pak para nisjes së mbledhjes se ka dosje me shkelje të ligjit të zyrtarëve, Ganaj theksoi se rreth 85 % e zyrtarëve të lartë i janë shmangur kontrollit të pasurisë së tyre nga Inspektoriati i Lartë i Deklarimit dhe Kontrollit të Pasurive Kundër Konfliktit të Interesit.
Ganaj vlerësoi ndryshimet ligjore në këtë institucion duke i cilësuar ato efikase pasi ILKDPKI ishte kthyer në “lavatriçe parash”. Megjithatë, ai kërkoi mbështetjen e Kuvendit për kallëzimet që ILDKP ka bërë ndaj zyrtarëve pasi deri më sot asnjë prej tyre nuk është dënuar.
“Sot nuk ka zyrtarë të dënuar, ne mund të referojmë cështje në Prokurori por nëse nuk kemi dënime duhet të heqim mentalitetin e pandryshueshmërisë. Kërkoj nga Kuvendi që të merren masa pasi në 10 vjet asnjë nuk është dënuar”, u shpreh Ganaj.
Debate Ganaj-PD për Kokëdhimën
Mbledhja ka vazhduar me tone të larta ku Inspektori i Përgjithshëm i ILDKPKI-së, është sulmuar nga deputetët e opozitës.
Sulmi i deputetëve Halimi-Bylykbashi-Strazimiri është përqëndruar rreth deputetit socialist Koço Kokëdhima i cili sipas tyre inspekritiati nuk e ka bërë.
Debatet:
Bylykbashi: Ka një rast të freskët, është ai i Bodes ku ILDKPKI ka bërë njoftime dhe mosreagimi i deputetit e ka çuar ILDKPKI të bëjë kallëzim. Sipas informacioneve të mia nuk keni çuar asnjë njoftim si e parashikon ligji. A keni një përgjigje për mënyrën si e zbatoni ligjin për marrjen e dijenisë?
Xhafa: Për pyetjet do të vëmë një limit se kanë pyetje edhe të tjerët. Ai hap dosjet ju i thoni mos i hap ç’kuptim ka kjo?!
Braho: Nuk e kemi thirrur Ganajn të japë llogari. Hiqni dore nga provokimet pasi çështja është në hetim. Bodes i kanë shkuar dy shkresa, ia kam shpjeguar dhe Bodes.
Ganaj: Ka pasur raste kur është punuar me dy standarde. Zyrtarët e Tiranes nuk i prek kurse ata të rretheve shkojnë në gjyq.
Për cfarë ta pyes domethënë për çfarë konkretisht do që t’i them. Se puna e 2014 po thuhet . Pyete pak për çfarë e do?
Halimi: Thatë që ju ka ardhur një gjyqtar dhe kryetar bashkie, kanë dhënë para, keni emra?
Ganaj: Gjygjtari i Elbasanit Qamil Hasa dhe krytari i bashkisë së Gramshit Bici
Ganaj: Kallëzimi për Boden është bërë për fshehje pasurie jo për njoftimin
Strazimiri: A e keni parë debatin për Kokëdhimën në Këshill Mandatesh? Si ju ka kaluar rasti i deputetit?
Ganaj: Do ta verifikoj dhe do ju kthej përgjigje.
Strazimiri: Ty nuk të ka bërë përshtypje zotëri që Kuvendi është investuar të shihni pasurinë e Kokëdhimës
Ganaj: E kemi kontrolluar në 2013 kur ka marrë mandatin dhe rezultonte në rregull
Xhafaj: Këtu çështjet gjykohen me mocion politik. Ja kishit kërkuar zotit Ganaj informacionin.
Majko: Pas vendosjes së zotit Ganaj unë shoh që deputetët vihen në rresht. Nuk ka parë as të majtë e as të djathtë.
Majko: Me të dyja duart do ta përkrahja punën e Ganajt
