Sistemi operativ Android për celularë ka në qarkullim plot 1.4 miliardë pajisje në të gjithë botën. Këtë bëri të ditur administratori i Google, Sundar Pichai në prezantimin e tij të parë që kur kompania u bë pjesë e Alphabet më 10 gusht. Në këtë mënyrë nisi në San Francisco konferenca për produktet e reja. Kjo lëvizje vjen pak ditë pas prezantimit të iPhone të ri, i rivalit Apple, që kanë shënuar një bum shitjesh në fundjavë. Dy pajisjet e para që janë prezantuar janë smartphone-ët Nexus, ai 5X i prodhuar nga LG dhe Nexus 6P, i prodhuar nga Huaëei. Të dyja pajisjet vijnë me “Android Imprint”, që të mundëson zhbllokimin e telefonit nëpërmjet gjurmëve dixhitale, kanë një portë usb-je të tipit C për një karrikim të shpejtë të baterisë dhe kanë si program Android 6.0 Marshmalloë, sistemin e ri operativ të Google.
Por kompania ka edhe të reja të tjera. Në fakt vjen tableti i parë “i bërë në shtëpinë” e Google. Quhet Pixel C, një tablet i konvertueshëm10 polsh, me tastierë portative që lidhet në mënyrë magnetike, i menduar si për të punuar si për kohë të lirë, transmeton zeri.info
Nga skena e San Francisco vjen dhe “Chromecast Audio”, një ‘çelës’ që lidhet me bokse normale të shtëpisë për të prodhuar muzikë, radio etj., përmes ëireless. Kompania prezanton gjithashtu dhe një version të ri të Chromecast, pajisja që lidhet me televizorin për të parë gjëra nga interneti, nga të cilat Google ka shitur 20 milionë copë.
