Persona të identifikuar tashmë nga policia kanë shkëmbyer zjarr gjatë pasdites së sotme në Tiranë.
Përplasja e armatosur ka ndodhur në rrugën “Njazi Meka” në kryeqytet, ndërkohë që mësohet se personat kanë qenë në dy automjete të ndryshme.
Dëshmitarë në vendngjarje bëjnë me dije se automjeti tip Fiat (i kuq) me targë AA 574 AM dhe automjeti Fiat (blu) AA 167 AK kanë qenë makinat në të cilat udhëtonin autorët.
Ngjarja ka ndodhur pranë Big Market ndërsa automjetet janë larguar me shpejtësi.
Të kontaktuar nga JAVA News, burime nga policia bëjnë me dije se autorët janë identifikuar brenda pak minutash dhe dy persona me inicialet P.GJ dhe F.N janë ndaluar (përkatësisht nga Tropoja dhe nga Mirdita), ndërsa ka nisur puna për kapjen e rreth 10 të tjerëve. Mendohet se armët e përdorura janë një pushkë e llojit Shotgun dhe një pushkë automatike model 56.
Ende nuk dihen rrethanat e ngarjes apo nëse ka të plagosur ose viktima brenda dy automjeteve.
