Një plagosje me armë zjarri është regjistruar pak minuta më parë në Shkodër. Mësohet se ngjarja ka ndodhur në zonën e Fermentimit, ndërsa dy persona kanë mbetur të plagosur.
Policia e Shkodrës ka mbërritur në vendngjarje dhe po heton shkaqet. Paraprakisht thuhet se i plagosur ka mbetur shtetasi E. Gjeka dhe një person tjetër.
Burimet policore bëjnë me dije se autorët kanë qëlluar nga një makinë “Audi” në ngjyrë të zezë.
Po ashtu mësohet se dy të plagosurit janë jashtë rrezikut për jetën.
Shkodër/Informacion paraprak
Në lagjen Skënderbeg, Shkodër, në afërsi të ish-Fermentimit të duhanit, rreth orës 20:10, në rrethana ende të paqarta janë plagosur në këmbë me armë zjarri shtetasit E. Gj., 24 vjeç dhe N. P., 24 vjeç, të cilët janë transportuar në Spital ku ndodhen jashtë rrezikut për jetën.
Në vendngjarje kanë mbërritur shërbimet policore të DVP Shkodër dhe FNSH.
Është rrethuar në një perimtër të gjerë zona ku ka ndodhur ngjarja dhe vijon krehja e saj nga shërbimet e Policisë Shkodër dhe të FNSH-së.
Janë ngritur pika kontrolli në hyrje-dalje dhe vijojnë kontrollet në të gjithë zonën.
Grupi hetimor nën drejtimin e Prokurorisë po punon për sqarimin e rrethanave të ngjarjes, identifikimin dhe kapjen e autorëve.
/e.rr
