Pak ditë pasi u prangos, Gjykata e Shkodrës ka vendosur të lerë të lirë shefin e Kardiologjisë së Spitalit të Shkodrës, Edi Smajlaj. Seancën e sotme gjykata e la të lirë, pasi argumentoi se arrestimi i tij nga policia ishte i palgjshëm. Vendimi është bërë paraditen e sotme dhe pas tij, mjeku do të lërë qelinë. Pas arrestimit të tij kolegët protestuan ditë me radhë, duke kërkuar lirimin.
Shefi i Kardiologjisë u arrestua, pasi sipas Policisë, ka shtruar në spital dhe ka falsifikuar një kartelë mjekësore për Simon Lufin, pedagogun e Universitetit të Shkodrës të arrestuar për korrupsion. Lufi u arrestua bashkë me një tjetër pedagog se kanë marrë para për provimet e studentëve. Ai ishte shtruar në Spitalin e Shkodrës dhe Smajlaj i ka bërë një kartelë që ta mbajë aty sikur ka probleme me zemrën. Ky veprim është bërë për të shmangur një masë sigurie si arresti me burg.
ma.me
