Eksperti i Sigurisë Fatjon Softa ka komentuar përplasjet SPAK, GJKKO dhe Policia e Shtetit, lidhur me mosmarrjen e masave për situatën e krijuar para GJKKO ku u mblodhën mbështetës të kryebashkiakut Erion Veliaj gjatë seancës së 12 shkurtit për verifikimin e masës së sigurisë.
I ftuar ditën e sotme në një lidhje skype, ai tha se kjo është përplasja e parë në këto nivele. Për ekspertin, kjo përplasje mes këtyre institucioneve lë impakt negativ tek qytetarët dhe ndërkombëtarët.
‘Kjo është përplasja e parë institucionale në këto nivele, ku palët të dyja, si SPAK dhe Gjykata Speciale dhe Policia e Shtetit përplasen për elementet e sigurisë së këtij objekti, në raport me masat e sigurisë jo vetëm të objektit por edhe jetës së gjyqtarëve dhe të prokurorëve, para gjatë dhe pas gjykimit të Veliaj për masën e sigurisë, dhe grumbullimit të qytetarëve. Sigurisht që janë momente të rëndësishme sepse kanë një impakt negativ tek qytetarët dhe tek ndërkombëtarët që nuk duan që një vend aspirant në BE të ketë problematike të kemi përplasje institucionale’, tha ai.
Sipas tij, është detyrë e Policisë së Shtetit që të merrte masa.
‘Policia e Shtetit ka për detyrë që në momentin që merr njoftimin për të bërë shoqërimin e një personi që është objekt i një hetimi apo gjykimi të masës së sigurisë nga blloku i sigurisë dhe tek gjykata speciale, duhet të shihet lëvizja gjatë rrugës dhe deri tek momenti i arritjes. Perimetrin e jashtëm të sigurisë e ka Policia e Shteti, e cila duhet që të merrte masa lidhur me këtë siguri, pra me vendosjen e patrullave dhe në rastet e grumbullimeve merr masa. Në rastet e personaliteteve si Berisha, Meta dhe Veliaj masat shoqërohen me mbështetës dhe duhen që të merreshin masat’, tha ai.
Ai tha se edhe pse nuk pati incident, është qëlluar ndaj mjeteve të prokurorëve nga mbështetësit.
‘Gjatë kohës së seancës është penguar hyrja dhe dalja e prokurorëve, njerëzit kanë qëlluar mjtet e tyre gjatë lëvizjes dhe për fat s’ka pasur incidente. Rakordimet mes këtyre institucioneve duhet që të jenë të përhershme dhe masat e sigurisë po ashtu’, tha ai
