Dita e sotme është caktuar nga Gjykata Kushtetuese data për përballjen e parë mes presidentit Ilir Meta dhe kryeministrit Edi Rama, për çështjen e mosmarrëveshjes së kompetencave për dekretimin e ministrave.
Seanca ishte planifikuar që të zhvillohej me 25 mars, por për shkak të infektimit me Covid të anëtarëve të gjykatës Kushtetuese u shty.
Seanca do të nisë në orën 10:00 dhe për shkak të situatës dhe rregullave në fuqi të shkaktuara nga Covid-19, do të kryhet pa praninë e publikut.
Gjykimi do të mbahet në Kushtetuese aty ku Rama kërkon interpretimin e nenit 98 të Kushtetutës pika 1 për të drejtën e emërimit dhe shkarkimit të ministrave. Kjo padi është depozituar nga Rama pas përplasjes me Metën për mosdekretimin e ish-ministrit të jashtëm Gent Cakaj.
Meta në atë kohë refuzoi të dekretojë Cakajn i cili mbajti postin e ushtruesit të detyrës ndërsa ministër i jashtëm me dekret ishte vetë kryeministri Rama.Kjo është përballja e parë e dy liderve në gjykatë pas zgjedhjeve të 25 prillit.
Shkresa e publikuar nga vetë Gjykata Kushtetuese:
Data e seancës:18 Maj, 2021. Ora 10:00
Kërkues: Kryeministri i Republikës së Shqipërisë, Seancë Plenare.
Për shkak të situatës dhe rregullave në fuqi të shkaktuara nga COVID-19, zhvillimi i seancës plenare do të kryhet pa praninë e publikut.
Subjekti i interesuar: Presidenti i Republikës së Shqipërisë; Kuvendi i Republikës së Shqipërisë
Objekti: Zgjidhja e mosmarrëveshjes së kompetencave ndërmjet Kryeministrit të Republikës së Shqipërisë dhe Presidentit të Republikës së Shqipërisë. Interpretimi kushtetues i nenit 98, pika 1, të Kushtetutës së Republikës së Shqipërisë.
g.kosovari
