Një aksident automobilistik ka shkaktuar radhë kilometrike në Rrugën e Arbrit tek kthesa e Murrizit.
Dy automjete janë përplasur me njëra-tjetrën, fatmirësisht pa pasoja në njerëz, por ka vetëm dëme materiale.
Si pasojë e aksidentit, rruga është bllokuar prej rreth 1 ore duke shkaktuar trafik kilometrik.
Drejtuesit e mjeteve, të cilët ndodhen në vendngjarje, thonë se policia nuk ka shkuar ende në vendin e aksidentit.
Kjo ka bërë që trafiku të bëhet akoma më i rënduar, duke bllokuar tërësisht qarkullimin në këtë segment rrugor.
/a.r
