Nenkryetari i Levizjes Socialiste per Integrim shuan te gjitha komentet ne lidhje me nje rruge pa kthim te marredhenieve mes LSI dhe PS te cilat po cilesohen si te shkaterruara. Partia Lëvizja Socialiste për Integrim ka bërë sot një hap pas në konfliktin e krijuar së fundmi me Partinë Socialiste, duke qetësuar situatën. Që nga deklarata e djeshme e ministrit të Mjedisit, Lefter Koka, i cili hodhi akuza të forta kundër PS-së, shumë reagime të tjera pasuan nga të dyja palët, por ky i fundit nga LSI, i Luan Ramës, duket se kërkon qetësimin e situatës.
“Ka një problem që vërehet kryesisht në pushtetin lokal dhe veçanërisht në Durrës, për të cilin foli zoti Koka. Ka një alarm të përligjur deklaratën e zoti Koka. Nëse kemi një rast që Koka reagon dhe denoncon publikisht do të thotë që diçka nuk funksionon. Dua të paraqes një realitet ashtu siç është dhe jo i dramatizuar”, tha Rama.
