Gjykata e Elbasanit ka caktuar masën e sigurisë “arrest me burg” për Elvis Koçi Çaushllarin, Feliks Filajn dhe Ersi Çekanin.
Pasi shqyrtoi provat e paraqitura nga Prokuroria e Elbasanit, gjykatësi Tomorr Kullolli mori këtë vendim.
Të rinjtë u arrestuar para pak ditësh pas një konflikti për motive të dobëta që ndodhi në qytetin e Elbasanit, ku i plagosur mbeti Çaushllari, ose i njohur ndryshe si “Vis korçari”.
Policia njoftoi se pas të shtënave, ku ai mori një plumb në shpatull, Çaushllari braktisi mjetin duke shkuar për t’u kuruar në spitalin e Traumës në Tiranë.
Feliks Filja dhe Ersi Çekani dyshohet se ishin pjesë e grupit që shkëmbeu zjarr në mes të qyetit. Çekani u arrestua nga policia për veprat penale “Veprime që pengojnë zbulimin e së vërtetës” dhe “Moskallëzim krimi”.
Në kërkim, ndërkohë janë 25-vjeçari Migert Qosja dhe Armand Ceveli, të dy të akuzuar për “vrasje me dashje” dhe “armëmbajtje pa leje”.
Në të vërtetë, Ervis Çaushllari, është një personazh i njohur në Elbasan dhe i dyshuar për përfshirje në disa ngjarje kriminale, por që nuk janë provuar në gjykatë.
/a.r
