Tre persona janë plagosur mbrëmjen e djeshme nga një përplasje me armë zjarri në qytetin bregdetar të Vlorës, jepen detaje mbi ngjarjen.
Burime nga vendi i ngjarjes japin inofrmacione për përplasjen me armë zjarri që ndodhi mbrëmjen e djeshme në Vlorë.
Mjeti tip punto, brenda të cilit ndodheshin Elis Llanaj dhe Taulant Beqiraj, ishte duke kaluar nga lagjja 28 nëntori, në afërsi të Kishës ortodokse, teksa i ka prerë rrugën mjeti tip benz, me xhama të zinj.
Nga mjeti tip benz kanë dalë dy persona. Dyshohet se këta kanë dalë për të grabitur ose për ndonjë sherr të mbartur.
Mjeti tip punto ka tentuar të ecë indietro, për t’u shmangur, por foristrada ka bërë bllokadë. Foristrada dyshohet të jetë në pronësi të Gazmend Canajt. 3 persona të tjerë i kanë bllokuar rrugën puntos, duke qëlluar me armë zjarri tip automatik në drejtim të mjetit.
Nga punto janë kundërpërgjigjur me pistoletë të dy personat e ndodhur në të, Elis Llanaj dhe Taulant Beqiraj.
Gazmend Canaj ka marrë plagë në mushkëri dhe ka mbërritur në spital me ndihmën e shokëve të tij, në të njëjtën kohë që policia ka identifikuar edhe personat e tjerë të përfshirë.
