Policia e Korçës ka zbardhur një aksident të ndodhur mëngjesin e sotëm, ku si pasojë mbetën të plagosur dy shtetas.
U përfol për një përplasje të një makine blind me para, por që sipas informacioneve të policisë shkak për këtë aksident është bërë përplasja e dy makinave të tjera.
Ngjarja
Policia sqaron se afërsi të fshatit Pirg janë përplasur dy mjete përkatësisht mjeti shoqërues i një shoqërie sigurimi tip “Benz” me targa AA 974 me një mjet furgon me targa AA 409 PG.
Për pasojë janë dëmtuar lehtë drejtuesi i mjetit tip furgon shtetasi E.Xh, rreth 34 vjeç dhe një pasagjer i mjetit tip “Benz” shtetasi B.T, rreth 42 vjeç, të cilët po marrin ndihmën e parë mjekësore, ndodhen jashtë rrezikut për jetën.
Sqarojmë se mjeti blind i kësaj shoqërie nuk është përfshirë në aksident. Ndërsa mjeti shoqërues i tij (tip “Benz” i lartpërmendur) nuk ka patur sasi lekësh. U ngrit grupi hetimor dhe po punohet për zbardhjen e rrethanave të aksidentit.
