Policia në Shkodër ka arrestuar një 31-vjeçar, pasi dyshohet se ka qenë shkaktari i një aksidenti me vdekje.
Xhovan Palaj dyshohet se ka aksidentuar një motomjet, që drejtohej nga shtetasi Paulin Pashuku. Pas aksidentit, Pashuku është dërguar në spital, por se nuk ka mundur dot t’ju shpëtojë plagëve të rënda që ka marrë.
“Në vijim të informacionit paraprak të dhënë ditën e sotme, për një aksident në fshatin Darragjat, ju informojmë se: Në përfundim të veprimeve të para procedurale, Specialistët e Sektorit të Policisë Rrugore arrestuan në flagrancë për veprën penale “Shkelja e rregullave të qarkullimit rrugor,” shtetasin Xh. P., 31 vjeç.
Automjeti që drejtohej nga 31 vjeçari është përplasur me motomjetin që drejtohej nga shtetasi P. P., 45 vjeç. Si pasojë e përplasjes shtetasi P.P., ka humbur jetën në Spitalin Rajonal të Shkodrës.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”, njofton policia.
