Tre persona janë vënë në pranga nga policia e Kavajës, pasi kanë fshehur provat e një aksidenti me pasojë vdekjen e një 28-vjeçari.
Gentush Hoxha ishte duke drejtuar një kamion në pronësi të një firme në vendin e quajtur mbikalimi i varrezave në autostradë, ku është përplasur me një motoçikletë. Për pasojë drejtuesi i kësaj të fundit, Z.G., 28 vjeç ka ndërruar jetë.
Hoxha në bashkëpunim me Ervis Çurrumi, 34 vjeç dhe Gëzim Cila, 48 vjeç nga Kavaja, kanë hequr nga vendi i ngjarjes mjetin kamion me të cilin u shkaktua aksidenti dhe kanë sjell një tjetër mjet kamion tip “Benz”, duke prishur dhe fshehur provat në vendngjarje.
Të tre personat u vunë në pranga, teksa hetimet vijojnë për dokumentimin e plotë të ngjarjes.
a.ç
