Një 69-vjeçar ka rënë në prangat e Policisë së Fierit, pasi ka aksidentuar një këmbësor, teksa lëvizte me mjetin e tij pa targa dhe pa leje drejtimi. Mësohet se është arrestuar shtetasi Vangjel Goga, banues në fshatin Daullas, Grecalli, Fier.
Sipas policisë, arrestimi i këtij shtetasi u bë pasi duke drejtuar motomjetin tip “YAMAHA”, pa targa dhe pa leje drejtimi ka goditur këmbësorin, shtetasin S.H, 61 vjeç, banues në fshatin Daullas, i cili u dërgua për mjekim më të specializuar në Spitalin e Traumës Tiranë.
Ndërkohë, shtetasi Vangjel Goga është larguar nga vendi i aksidentit dhe pas ndjekjes nga shërbimet e policisë u bë e mundur kapja dhe arrestimi në flagrancë i tij.
a.ç
