Një aksident i rëndë me pasojë vdekjen ka ndodhur pasditen e kësaj të premteje në hyrje të qytetit të Belshit.
Viktimë ka mbetur 45-vjeçari Besnik Shehu i cili udhëtonte me një motor.
Ai ka humbur kontrollin e mjetit dhe ka dalë nga rruga duke u përplasur me një mur.
Përplasja rezultoi fatale për 45-vjeçarin që humbi jetën në vend si pasojë e plagëve të rënda.
Policia ka mbërritur në vendngjarje dhe po kryen veprimet hetimore për zbardhjen e plotë të rrethanave të ngjarjes.
/a.m.
