Një aksident i trefishtë ka ndodhur pak çaste më parë në autostradën Tiranë-Durrës, në segmentin e kthesës së Kamzës-Qafë Kashar.
Tre automjetet, një “Benz”, një “Jeep” dhe një “Pegueot” janë përplasur me njëri-tjetrin teksa ishin duke lëvizur në të njëjtin sens.
Si pasojë e kontaktit njëri nga automjetet fluturoi në ajër, kapërceu bordurat e trafikndarësit dhe përfundoi në anën tjetër të autostradës ndërsa dy persona kanë mbetur të plagosur ku njëri prej tyre ndodhet në gjendje të rëndë për jetën.
Njoftimi i policisë:
Tiranë
Informacion Paraprak
Më datë 17.08.2018, rreth orës 19:10, në autostradën “Tiranë -Durrës”, në Kashar janë përplasur tre mjete, ku për pasojë janë dëmtuar dy shtetas, (pasagjerë në dy prej mjeteve), të cilët aktualisht ndodhen në spital nën kujdesin e mjekëve, jashtë rrezikut për jetën.
Shërbimet e Policisë dhe drejtuesit e mjeteve ndodhen në vendngjarje,po kryhen veprimet e mëtejshme hetimore dhe proceduariale.
a.ç
